Астана телеарнасының хабарлауынша, 48 жастағы алматылық әйелімен жанжалдасып, артынан мылтықты қолға алған. Әйеліне оқ атқаннан кейін, өзін өлтіруді ұйғарады. Ата-анасының қос мәйітін жұмыстан оралған ұлы тапқан. Ол дереу көршілерін көмекке шақырған. Олардың бірі телефон арқылы сөйлескенде бұл ерлі-зайыптылардың ажырасуға арыз бергенін айтты.
Кісі өлтіру мен суицидке шынымен де қызғаныш себеп болды ма, оны полиция анықтайтын болады.
Бұл арада қалалық ПД ресми өкілі Салтанат Әзірбек бұл деректің ҚР Қылмыстық кодексінің 99-бабы бойынша сотқа дейінгі тергеудің бірыңғай реестріне тіркелгенін ғана айтты. Сараптамалар тағайындалды.