68 миллион теңгенің ұны ұрланды: "Шымкент ӘКК" мекемесінің басшылары тергеуге алынды

ҚМА Шымкент қаласы бойынша департаменті қызметкерлері әлеуметтік маңызы бар тауарларды, оның ішінде 3000 тонна 1 сұрыптағы ұнды өткізу барысында аса ірі мөлшерде ақша қаражатын ұрлау фактісін анықтады, деп хабарлайды Zakon.kz.

"Шымкент ӘКК" АҚ лауазымды тұлғаларына қатысты сотқа дейінгі тергеп-тексеру жүріп жатыр.

Қалалық МІАД аудиторының қорытындысына сәйкес келтірілген залал сомасы 68 млн 800 мың теңге болды.

"ҚР ҚПК 201-бабына сәйкес тергеу мүддесінде өзге ақпарат жария етуге жатпайды". ҚР ҚМА Баспасөз қызметі