Түркістан облысы төтенше жағдайлар департаментінің хабарлауынша, 2023 жылғы 25 наурызда шамамен сағат 17:00-де кәмелет жасына толмаған қыз бала үйінен ойнауға шығып кетіп, оралмаған.
Видеожазбалардан қыздың аулада ойнағаны, одан соң жол бойымен белгісіз бағытта кетіп бара жатқаны анықталды.
Інжумен бірге ойнаған көрші қыз екеуінің бірге су ағып жатқан каналға барғанын, Інжу сумен ойнағысы келіп, абайсызда каналға құлап кетіп, шыға алмай қалғанын айтқан.
Қазір құтқарушылар осы бағыт бойынша іздеу жұмыстарына кірісті.
Іздестіру құтқару жұмыстарына Түркістан облысы төтенше жағдайлар департаментінің 40 жеке құрамы, жедел құтқару жасағынан 5 сүңгуір 1 жүзу қайығы, полиция департаментінен 50 адам, жергілікті атқарушы органнан 8 адам, еріктілерден 50 адам жұмылдырылған.