Атап айтқанда, бензин мен дизель отынына шекті көтерме баға белгіленеді:
АИ-80 бензині – тоннасына 93 161 теңге;
АИ-92 және АИ-93 бензині – тоннасына 214 584 теңге;
дизельдік отын (жазғы, маусымаралық) – тоннасына 284 350 теңге.
Түсіндірілгендей, жоба жанар-жағармай құю станцияларында ресурс иелерінен мұнай өнімдерін бәсекеге қабілетті бағамен сатып алуды қамтамасыз ету, сондай-ақ жанар-жағармай нарығындағы бағаны тұрақтандыру және елдегі мұнай өнімдерінің тапшылығын болдырмау мақсатында әзірленген.
Жоба 7 сәуірге дейін «Ашық НҚА» сайтында орналастырылған.
2023 жылдың 3 сәуірінде Энергетика министрі Болат Ақшолақов ішкі жанар-жағармай нарығын тұрақтандыру мақсатында бензин мен дизель отынының бағасы көтерілетінін, Қазақстан мен көршілес елдер арасындағы баға айырмашылығын азайту қажеттігін мәлімдеді.
Атап айтқанда, баға өседі:
АИ-92 және АИ-93 бензині үшін 182-187-ден (өңірге байланысты) литріне 205 теңгеге дейін (өсім 11%);
ал дизельдің бағасы литріне 295 теңге болады. Қазір аймаққа байланысты баға 230-260 теңге аралығында (орташа өсім 20%).