Қауіпсіздік күштері елді тәртіпке салу үшін оқ атқан, сол кезде электр сымы зақымданып, жарылыс болды. Қорыққан тұрғындар бір-бірін таптап кетті, деп жазады qazaqstan.tv.
«Ассоушиэйтед пресс» агенттігінің хабарлауынша, талай адам жарақат алған. 13 тұрғын хал үстінде жатыр.
Сананы 2015 жылы шиит-хуситтер басып алды. Сол тұста президент Мансур Хади шетелге қашуға мәжбүр болды. Ал, Сауд Арабиясы бастаған араб елдерінің Хади билігін қалпына келтіру әрекеті азаматтық соғысқа ұласып, 150 мыңнан астам адам қаза тапты. Қазір Йеменде 23 миллиондай адам азық-түлікке мұқтаж болып отыр.