Ажар Ғиният ақпарат министрлікке жеткенін айтты. Енді дәрігерлер инфекция аурухана ішінде тарап кетуін болдырмауға тырысып жатыр.
"Тексеруден өткен бойда біз толық ақпарат береміз. Енді толық эпидемиологиялық тексеру жүргізіп, инфекцияның ошағын, жұқтыру жолын, ауруханаішілік инфекция болған-болмағанын түсінуіміз керек. Ол жерге министрлік пен комитеттер жіберілді".Ажар Ғиният
Ол 2022 жылы 4 мың қазақстандық АИТВ жұқтырғанын айтты. 2021 жылы 3,5 мың жағдай тіркелген еді.
Еске салайық, 14 маусым күні Алматының ЖИТС орталығының мамандары Алматы қаласының Орталық қалалық клиникалық ауруханасынан АИТВ жұқтырған үш жағдайды анықтаған еді.
Анықталған фактілер негізінде Алматы қаласы УОХ-тың 2 маусымдағы бұйрығымен бөлім басшысының орынбасары мен қалалық ЖИТС орталығының қызметкерлерінің төрағалығымен комиссия құрылды.
Денсаулық сақтау министрлігі Алматыда анықталған АИТВ фактісі бойынша тексеруді бастаған еді.
