Агенттіктің 2023 жылғы 21 маусымда таратқан мәліметі бойынша, қазір басшылардан, мердігер өкілдерінен жауап алу, тінту және құжаттарды алуды қамтитын тергеу әрекеттері жүріп жатыр.
"Тергеу мүддесін көздейтін басқа ақпарат жария етуге жатпайды", – делінген хабарламада.
16 маусым күні "Балқаш Жылу" ЖШС-нің лауазымды тұлғалары жалпы сомасы 677 млн теңге бюджет қаражатын жымқырды деген күдікке ілінгені белгілі болды. Қаржы мониторингі агенттігінің хабарлауынша, "Балқаш Жылу" ЖШС-нің бұрынғы басшылығы 2020 жылдың маусымынан 2023 жылдың қаңтарына дейінгі аралықта Балқаш ЖЭО және Балқаш қаласының жылумен жабдықтау желілерін жөндеуге және ұстауға арналған 677 млн теңге көлемінде бюджет қаражатын жеке шоттары мен жалған кәсіпорындардың шоттарына жіберу арқылы жымқырған.