Құқық қорғау органдары қазір шетелдіктерді жауапқа тарту үшін жұмыс берушілерді анықтап жатыр. Бұл туралы Алматы облысы Полиция департаменті хабарлады.
"21 маусымда «Мигрант ОПМ» кезінде Қонаевтың оқу орындарының бірінің ғимаратын жөндеу үшін заңсыз еңбек еткен Нигерияның тоғыз азаматы мен Камерунның екі азаматы анықталды", - делінген полиция хабарламасында.
Полиция африкалықтардың Қазақстанда заңсыз жүргенін анықтады. Олардың елде болу құқығы үшін берілген визасының мерзімі өтіп кеткен. Енді заңсыз мигранттарға жұмыс бергендер жауапқа тартылады.
2023 жылдың қаңтарында иммигранттардың Қазақстанға келу және тұру ережесі өзгерді.