Осы ұйымдардың басшысы қаржы пирамидасын құрды деген күдікке ілінді, деп хабарлайды КТК.
Компаниялар "қара касса" әдісімен байыған. Салым сомасы 10 мыңнан 100 мың теңгеге дейін болған. Инвесторларға "Бір ай ішінде 400%-ға дейін пайда болады" деп уәде еткен.
Алты айдың ішінде екі компания байығысы келетін 3000 адамның басын қосып үлгерген. Алдын ала келтірілген шығын көлемі - 23 млн.
"Тергеу барысында Қарағанды облысының тұрғыны 2022 жылдың маусымы мен 2023 жылдың қаңтары аралығында Қарағанды облысының аумағында Telegram мессенджерін пайдалана отырып, өзара көмек қоры ретінде жасырылған 90 жоба бойынша "Рассвет" және "Миллионеры 30 на 90" жобасын жасағаны анықталды", - деді Қарағанды облысы бойынша Экономикалық тергеу департаментінің баспасөз хатшысы Зарина Құсманова.
Бұған дейін Семейдің екі тумасы Астанада қаржы пирамидасын құрғаны белгілі болған еді.
