Оқиға болған жерде облыс әкімінің бірінші орынбасары Вадим Басин мен Шахтинск қаласының әкімі Мұрат Қыдырғанбеков жүр. Сонымен қатар "ПВАСС" РТСШ қызметкерлері жұмыс істеп жатыр.
17 тамыз күні сағат 10:05-те "АрселорМиттал Теміртау" АҚ тау-кен өндіру дирекциясының "Казахстанская" шахтасында D6 көмір баурайында (горизонт – 170 м) конвейер лентасы өртеніп, апатты жою жоспары енгізілді. Шахта желделіп жатыр (ауа беру кері позицияға ауыстырылған). "ПВАСС" РТСШ үш бөлімшесі (15 қызметкер және 5 техника) және Төтенше жағдайлар департаментінің 8 қызметкері мен 2 техникасы жұмылған. Шахтада барлығы 227 адам болған. Адамдар шахтадан қаптал діңгегі арқылы құтқарылып жатыр. Қазір 131 адам шығарылды", - делінген хабарламада.
Сонымен қатар ПВАСС және ТЖД күштері де жіберілді.
2022 жылдың 3 қарашасында Қарағанды облысындағы шахтада газ жарылды. Апат кезінде 106 адам жер астында болған. 101-і эвакуацияланды. Бес адам қаза тауып, төртеуі жарақат алды.
