Полицейлердің мәлімдеуінше, 4 қыркүйек күні сағат 18.30-да колледж студенті Қатаев көшесімен төмен қарай жаяу жүргіншілер жолағымен келе жатқан. Жанынан өтіп бара жатқан белгісіз көлік жасөспірімге су шашып өткен, оған ол дөрекі түрде жауап берген. Мұны естіген көлік жүргізушісі тоқтап, жанжал кезінде жүргізуші мен оның жолаушылары кәмелетке толмаған баланы соққыға жыққан.
17 жастағы жасөспірім ауруханаға жеткізілді.
"Жүргізуші анықталды, ол 27 жастағы ер адам болып шықты. Оқиғаның қалған қатысушылары мен оқиғаның мән-жайы анықталып жатыр", - деп хабарлады Павлодар облысы полиция департаментінің баспасөз қызметі.
Осы факті бойынша сотқа дейінгі тергеу басталды.