Тергеу нұсқасы бойынша, 3 қыркүйекте бірнеше ер адам кәсіпкердің вилласына басып кіріп, оны түнімен азаптаған, деп жазды Baza Telegram арнасы.
Полицияның мәліметінше, қаскөйлер кәсіпкерді әбден азаптаған, тіпті үтік қолданған. Олар үйден 40 мың еуро қаражат, бірнеше қымбат сағат пен техника және кәсіпкердің төлқұжатын ұрлап кеткен.
Жалпы шығын 300 мың еуродан асқан.
Тайландтық тергеушілердің мәліметінше, қылмыскерлер арасында ағайынды Асхабовтар мен Қазақстанның бірнеше азаматы болған. Күдіктілер ұсталды. Олардың сыбайластары, алдын ала мәлімет бойынша, жасырынып үлгерген.