Қостанай облысы полиция департаментінің баспасөз қызметінің мәлімдеуінше, бұл жағдай 13 қыркүйек күні Қостанай және Федоров аудандарының шекарасында болған.
Полицейлердің мәлімдеуінше, жүргізуші жол жөндеу жұмыстарына асфальт әкеліп, түсіргеннен кейін кузовты түсіруді ұмытып кеткен. Әрі қарай жүру кезінде ол жол бетіне зақым келтірген.
"Жүргізушіге қатысты ҚР ӘҚБтК-нің 610-бабы бойынша әкімшілік хаттама толтырылды. Соңғы іс жүргізу шешімін сот қабылдайды", – делінген Қостанай облысы ПД таратқан хабарламада.
Полиция жүргізуші зардап шекпегенін атап өтті. Келтірілген залалды өтеу мәселесі азаматтық сот ісін жүргізу тәртібімен шешіледі.
