20 қыркүйекте EMC Agro компаниясының хабарлауынша, комиссия СҚО, Тайынша ауданында болған оқиғаны тергеуді аяқтады. Оның қорытындысы бойынша, жазатайым оқиға мен адам өлімінің себебі мыналар деп танылды:
- технологиялық процестерді сақтамау;
- қауіпсіз еңбек әдістерін оқытудағы кемшіліктер;
- жеке қорғаныс құралдарын қолданбау;
- зардап шеккендердің өрескел қателігі, яғни абайсыздық.
Комиссия қайғылы жағдайдың бірінде жұмыс берушінің кінәсі - 40%, ал қалған бөлігінде жұмысшылардың кінәсі 20% деген қорытындыға келді. "ЕМС Agro" ЖШС өкілдері тергеуге көмектесе отырып, комиссия жұмысына да ат салысты. Компания басшылығы қаза тапқандардың туыстары мен жақындарына көңіл айтады. Олардың отбасыларына 60 млн теңге көлемінде жәрдемақылар тағайындалып, материалдық және моральдық көмек көрсетілді.
Солтүстік Қазақстан облысындағы шошқа шаруашылығы кешенінде оқыс оқиға 1 тамызда болды. Төрт жұмысшы ауысымды өткізуге келмеген, іздеу барысында олардың денесі кәріз құдығының түбінен табылды. Адамдардың өліміне аммиактың булануы себеп болғаны анықталды.
