Ақтөбе облыстық полиция департаментінің баспасөз қызметі 53 жастағы депутат Мұратова тізгіндеген "Лексус" көлігін патрульдік полиция қызметкерлері Баишев көшесінде тоқтатқанын хабарлады. Жүргізушінің құжаттарын тексеру кезінде ішімдіктің исі сезілген, сараптамада жүргізушінің мас болғаны расталды, деп жазды Диапазон.
Полицейлер іс материалдарын сотқа тапсырды. Норма бойынша, депутат жеті жылға дейін көлік жүргізу құқығынан айырылып, 15 тәулікке дейін қамауға алынуы керек.
Ақтөбе қалалық мәслихатында хабарланғандай, оқиғадан кейін Мұратова депутаттық өкілеттігін тоқтату жөнінде арыз жазған.