Есірткі қылмысына қарсы күрес бөлімінің қызметкерлері аса ірі көлемде есірткі заттарын жеткізу арнасын анықтады.
Павлодарда 47 жастағы жүргізуші ұсталды, тінту кезінде оның көлігінен жүргізуші орындығының астынан қорап табылды. Оның ішінде марихуана салынған полиэтилен пакет болған.
"Тәркіленген марихуананың жалпы салмағы шамамен 5,3 келі, тұрғылықты жерінен жатын бөлмесінде металл құты табылды, оның ішінде сатуға дайындалған жалпы салмағы 1,2 келі гашиш салынған 16 бума сақталған", – делінген хабарламада.
Бұл факті бойынша қазір сотқа дейінгі тергеу амалдары жүріп жатыр.
Күдікті уақытша ұстау изоляторына қамалды.
