Ұлытау облысы прокуратурасы құны 75 млрд теңге болатын жел электр станциясын салып жатқан қытайлық инвестор ("Mezgilder Qushteri" ЖШС) Сәтбаев қаласында өз кәсіпорнын салық төлеуші ретінде тіркеген.
"Компанияның кеңсесінің нақты тіркелген мекенжайында орналасқанына қарамастан фискалдық орган оның банктік шоттары бойынша операцияларды негізсіз тоқтатты және заңды тұлғаларды мемлекеттік қайта тіркеудің күшін жою туралы сотқа талап қойды".Ұлытау облысы прокуратурасының баспасөз қызметі
Қадағалау органының мәліметінше, бұл негізсіз араласу инвестордың қызметін тоқтатуға және инвестициялық жобаны іске асыруды кешіктіруге әкелді.
"Прокуратураның араласуынан кейін талап-арыз кері қайтарылып, инвестордың құқығы қалпына келтіріліп, кінәлі шенеуніктер жауапқа тартылды".Ұлытау облысы прокуратурасының баспасөз қызметі
Бұған дейін Қостанай облысының шенеуніктері шаруалардың субсидия алуға өтінішін айлар бойы қарап жатқаны белгілі болған.