Төтенше жағдайлар министрлігі күштері үш тәулікте 1000-нан астам адамды, оның ішінде 86 баланы құтқарды. 583 өрт сөндіріліп, 263 авариялық-құтқару және іздестіру жүргізілді.
Тек өткен тәуліктің ішінде ТЖМ құтқарушылары жергілікті атқарушы органдармен, полициямен, әскери қызметшілермен және жол қызметтерімен бірлесіп, 887 адамды құтқарды.
ТЖМ дауылды ескерту кезеңінде алыс сапарға шықпауға, алыс қашықтыққа жаяу жүруден бас тартуға кеңес береді.
"Өрттің алдын алу үшін жылыту жүйелерінің, электр жабдықтарының дұрыстығын қадағалаңыздар. Пештерді қыздырмаңыздар және жоғары қуатты құрылғыларды бір уақытта қосу арқылы электр жүйесін шамадан тыс жүктемеңіздер", - деп қосты министрлік.
