Маңғыстау облысы Шетпе ауылында алаңдағы жаңа жылдық шырша орнатылғанына бір тәулік те болмастан құлап қалды, деп жазады inAktau.
Маңғыстау аудандық әкімдігі ішкі саясат және тілдерді дамыту бөлімі бұл жайт қолайсыз ауа райына байланысты орын алғанын хабарлады.
"Шырша 21 желтоқсанда орнатылды, алайда монтаж жұмыстары әлі бітпеген. Кеше Шетпе ауылындағы желдің жылдамдығы секундына 20 метрге жетіп, шырша құлады. Қазір ол көтеріліп, қайта орнына қойылды. Монтаждау жұмыстары да аяғына дейін жеткізілді. Жасанды шырша жаңадан сатып алынбаған, өткен жылдардан қалғаны", - деп түсіндірді құзырлы ведомство өкілі.
Айта кетсек, Павлодар орталығына биіктігі 3 метр, құны 52 млн теңгелік шырша орнатылды.
