Өрт туралы ақпарат 1 қаңтарда сағат 13:21-де хабарланған. 5 минуттан кейін кезекші қарауыл сол жерге келіп, адамдарды құтқаруға және өртті сөндіруге кіріскен.
Өрт сөндірушілер Нұрсұлтан Шунгульшин мен Ерлан Мыжиканов 7 адам: 4 әйел мен 3 баланы құтқарды. Өрт сағат 13:50-де толығымен сөндірілді. Қаза болғандар мен зардап шеккендер жоқ.
"Қарауылдың жеке құрамы жанып жатқан пәтерден 27 литрлік газ баллонын шығарды. Сол үйде тұратын аға лейтенант Ғалымжан Байбусин өрт сөндірушілер келгенге дейін қолда бар құралдармен өртті сөндіру шараларын қабылдап, өрт сөндірушілерге адамдарды эвакуациялауға көмектесті".ҚР ТЖМ хабарламасы
