Қарағанды облысының денсаулық сақтау басқармасының мәліметінше, 30 қаңтарда ер адам денесінің 80%-ынан астамын күйік шалып, ауруханаға жеткізілген.
"Үлкен аумақты термиялық жарақат алып жатқанын, жоғарғы тыныс жолдарының зақымдануын, ауыр күйік шогын, көп мүшелер жеткіліксіздігінің ұлғаюын және тағы басқа қабылданған шараларға қарамастан, пациенттің 9 ақпанда қайтыс болғанын хабарлаймыз", - деп хабарлады Қарағанды облысының денсаулық сақтау басқармасы.
Денсаулық сақтау басқармасы тағы бір ересек науқас пен бір баланың ауруханадан шыққанын атап өтті.
30 қаңтарға қараған түні Ботақара кентіндегі тұрғын үйде жарылыс болып, екі қабатты екі кіреберіс үйдің бір бөлігі опырылып құлады. Жарылыс пен ғимараттың опырылуы салдарынан екі адам қаза тапты.