Қостанай облысы бойынша су тасқынына қарсы іс-шараларға ТЖМ, ІІМ,ЖАО, ҰҚК ШҚ және басқа да ұйымдардың қызметкерлері қатарынан барлығы 2237 адам, 390 бірлік техника, 142 бірлік мотопомпалар, 29 бірлік жүзу құралдары және 3 бірлік әуе кемесі күштері мен құралдары жұмылдырылды.
Облыстық әкімдіктің баспасөз қызметінің хабарлауынша, су тасқыны кезеңінде шамамен 771,822 мың текше метр су, тәулігіне – 13860 мың текше метр су сорылды. 72,799 мыңнан астам қап салынды. 7 205 тонна инертті материалдар төгілді.
"Еріген суды сору, қапшықтарды төсеу жұмыстары 9 елдімекенде жалғасуда: Жангелдин, Арқалық, Меңдіқара, Федоров, Денисов, Қарабалық, Қарасу, Қостанай, Әулиекөл, Б.Майлин, Қамысты аудандары, Арқалық, Қостанай және Рудный қалалары".
Су тасқынына қарсы іс-шараларға тәулік бойы дерлік коммуналдық қызметтердің, мемлекеттік және құқық қорғау органдарының кезекші қызметкерлерін ыстық тамақпен және шаймен қамтамасыз ететін еріктілер, бей-жай қарамайтын азаматтар үлкен көмек көрсетті.
Су тасқыны жағдайының мониторингі бойынша жұмыстар жалғасуда. Жағдай бақылауда.
Айта кетсек, су тасқыны елдімекендегі адамдармен қатар жануарларға да қиын тиюде. 7 сәуірде Қостанайда иесіз жануарларды қабылдайтын орын су астында қалып кетті.