Ведомстваның 29 сәуірдегі мәліметінше, Екібастұз 2-МАЭС бюджетке 640 млн теңгеден астам салықты төлеу жөніндегі міндеттерін орындамау фактісі анықталды.
"Қадағалау актісі бойынша салық төлеушіге қатысты тиісті өндіру шаралары қабылданып, нәтижесінде 2-МАЭС-пен жоғарыда көрсетілген КТС сомасы бюджетке төленді."Павлодар облысының прокуратурасы
Сонымен қатар, прокуратураның баспасөз қызметі қазіргі уақытта осы бағыттағы жұмыс жалғасуда екенін атап өтті.
Еске салайық, 2024 жылдың ақпан айында облыс прокуратурасы "Екібастұз МАЭС-2" АҚ тексерген. Белгілі болғандай, 3-ші энергия блогын орната отырып, жылу электр станциясын кеңейтуге және қайта құруға арналған ақша қаражатын ысырап ету фактілері анықталды.
