Құны 230 млн теңгеден асатын криптовалюта майнингіне арналған жабдықты заңсыз әкету әрекетін Қостанай облысы бойынша Мемлекеттік кірістер департаментінің "Қайрақ" АПП қызметкерлері тоқтатты.
"2023 жылдың қараша айында Қазақстанда тіркелген "А" ЖШС 640 серверді шетелге шығаруға тырысты. Осы оқиға бойынша ҚР ӘҚБтК-нің 463-бабымен әкімшілік іс қозғалып, қазіргі уақытта аяқталды. Сот шешімімен барлық жүк мемлекет кірісіне тәркіленіп, 25 АЕК мөлшерінде әкімшілік айыппұл салынды",-деп мәлімдеді Қостанай облысы МКД баспасөз қызметі.
МКД "Ерекше тауарларды бақылау туралы" ҚР Заңының нормаларына сәйкес тиісті рұқсат құжаттарынсыз нақты тауарларды тасымалдауға тыйым салынғаны ескертті.
Еске салайық, Соттың үкімімен криптовалютаны заңсыз айырбастағаны үшін Астана қаласының тұрғынының мүлкі тәркіленіп 2 жыл 6 айға бас бостандығынан айыру жазасына сотталды.