Атырау облысында құтқарушылар су алған елдімекендерде әлі эвакуациялау жұмыстарын жүргізуде

Атырау облысы Алмалы ауылында су тасқынына қарсы жұмыстар жалғасуда. Жайық өзеніндегі су деңгейінің көтерілуіне байланысты Атырау облысы ТЖД күштері Алмалы ауылынан екі адамды эвакуациялап, малды қауіпсіз жерге көшірді, деп хабарлайды Zakon.kz.

Айта кетейік, су тасқынына қарсы жұмыстар кезінде осы елдімекенде 40 мыңнан астам қапшық төселіп, 8 шақырымнан астам бөгет тұрғызылды.

Бұған дейін Құлсарыда су тасқыны кезеңінде 5 милионнан астам текше метр су сорылғаны хабарланған.