Атырау облысының ТЖ жөніндегі жедел штабының мәліметінше, 24 мамырда Атырау облысының оңтүстік, шығысында найзағай күтіледі. Түнде және таңертең облыстың батысында тұман болады.
"Облыстың солтүстік - шығысында, оңтүстігінде, шығысында соғатын желдің жылдамдығы 15-20 м / с. Облыстың солтүстік-батысында өрт қаупі жоғары.Ауа-райының нашарлауына байланысты, құтқарушылар облыс тұрғындарын алыс жолға шықпауға шақыруда".Атырау облысының ТЖ жөніндегі жедел штабы
Мамандардың айтуынша, әсіресе, тасқын қауіпі күшейіп тұрған Махамбет, Индер бағыттарындағы трассамен жолға шығу - өте қауіпті.
"Атырау облысында табиғи сипаттағы ТЖ режимі сақталуда, тасқын су қаупіне байланысты, кейбір бағыттар бойынша автомобиль жолдары уақытша жабылды",- деп толықтырды ведомство.
Айта кетейік, су тасқынынан кейін 356 отбасы қираған баспанасының орнына тұрғын үй мен пәтер алды.
