Қазіргі уақытта yығайту жұмыстары жүріп жатыр.
“Жайық жағасында су деңгейін бақылап тұрған кезекші құрам таңғы 4 шамасында бөгеттің бір бөлігін су шайып, құлап жатқанын байқайды. Біз ТЖ мамандарымен бірігіп, бөгетті жедел түрде нығайту жұмысына кірісіп кеттік. Қазіргі уақытта бұл жерге геомембрана төсеп, қосымша топырақ төгіп жатырмыз. Ағыстың күшімен шайылған бөгеттің аумағы 100 м құрайды. Жалпы су шайған бөгет аумағын шифер жабындық материалымен қорғаймыз деген жоспарымыз болды. Алайда, су деңгейінің тереңдігі кедергі келтірді» дейді участок координаторы Қаһарман Рахметұлы.
Дәл қазіргі сәтте құлаған бөгетті қалыпқа келтіру 90%-ға аяқталды.
Сондай-ақ, Атырау облысы ТЖД басшысының орынбасары Руслан Шариевтің айтуынша, облыс су тасқынының шарықтау шегінен өтті.
