Алматы ПД мәліметінше, бұл дерек әлеуметтік желілерге жүргізілген мониторинг барысында белгілі болды.
"Медеу аудандық полиция басқармасының учаскелік инспекторлары тексеру жүргізіп, бұл заңсыз әрекетті Тереңқұр өзенінің бойында орналасқан дәмханалардың бірінің қызметкерлері жасағанын анықтады"
Бұл дерек бойынша аталған мекеменің әкімшілігіне ҚР ӘҚбК-нің 505-бабында көзделген құқық бұзушылық – қаланы абаттандыру ережелерін бұзу бойынша хаттама толтырылды. Айыппұл мөлшері 30 АЕК құрады.
Кафе менеджері болған оқиға үшін кешірім сұрады және оқиға сәуір айында болғанын хабарлады.
Оның айтуынша, кафе қызметкерлері өзендегі қоқыс жәшігін өз бастамасымен жууға шешім қабылдады. Олар қазір бұл кафеде жұмыс істемейді.
