Наурыз айының ортасынан бастап Алматының қорықшылары, құтқарушылары мен полициясы, әсіресе демалыс және мереке күндері жұмыс істеуде. Мобильді топтар табиғат аясына рейдке шығады. Онда олар қоқыс тастайтын және өрт қауіпсіздігі ережелерін өрескел бұзатындарды іздейді, атап айтқанда от жағып, табиғатта кәуап пісіретіндерді(заңда бұған қатаң тыйым салынған).
Сурет: Zakon.kz
Экопост маңында әр демалыс сайын көліктердің ұзын тізбегі пайда болады. Құтқарушылардың айтуынша, қала тұрғындарының көпшілігі Алматының аптап ыстығынан жасырыну үшін тауларды паналайды.
Мамандар қала тұрғындарының демалуына қарсы емес, бірақ қарапайым ережелерді сақтауды сұрайды,
Сурет: Zakon.kz
Ұлттық парк аумағына кіре берістен-ақ күйіктің өткір иісі мұрынға келеді. Ал, алыстан түтіннің өзі де көрініп тұр. Демалушылар жергілікті табиғатты тамашалап қана қоймай, от жағып, кәуаптарды пісіре бастаған. Мамандар бірден туристерге қарай жол тартты, олар таулардағы өрт қауіпсіздігі туралы ескерту стендтеріне қарамастан отта түскі ас дайындаған.
Сурет: Zakon.kz
Сурет: Zakon.kz
Айтпақшы, полиция мен құтқарушыларды көрген барлық құқық бұзушылардың айтары бір: "біз бұл жерге алғаш рет келдік. Мұндай ережелер туралы білмедік, енді қайталанбайды". Өрт сөндірушілер дереу отты сөндіп, олармен профилактикалық әңгіме жүргізіп, деректерді жазды. Дегенмен, тек ескертумен шектелді, айыппұл салмады.
Сурет: Zakon.kz
Тауларда от жағуды ұнататындарға қандай айыппұл салынады:
Рейдтік аралау кезінде бұзушылық фактілері анықталған жағдайда:
- ҚР әкімшілік бұзушылықтар туралы Кодексінің 505-бабының 1-бөлігіне сәйкес ескерту қолданылуы мүмкін, қайталанған бұзушылықтардан кейін 30 АЕК немесе 110 760 теңге мөлшерінде айыппұл салынады.
- ҚР Әкімшілік құқық бұзушылық туралы Кодексінің 367-бабының 3-бөлігіне сәйкес орманды жерлерде өрт қауіпсіздігі ережелерін бұзғаны үшін айыппұл сомасы 100 АЕК немесе 369 200 теңгені құрайды.
Алматы ТЖД ақпараты бойынша, бүгінде 505-баптың 1-бөлігі бойынша 21 адам ескерту алды. Ал 367-б. 3-Б. бойынша МҰТП қызметкерлері жалпы сомасы 1 млн 476 мың 800 теңгеге төрт адамға айыппұл салды.
Сурет: Zakon.kz
ТЖД мегаполис тұрғындары мен қонақтарына таулардағы өрт қауіпсіздігі ережелерін еске салды:
- демалыс орындарында жану тудыруы мүмкін қоқыстарды қалдырмаңыз және өзіңізбен бірге алып жүріңіз;
- жанып тұрған сіріңкелерді, темекі тұқылдарын тастамаңыз, құрғақ шөпті күйдірмеңіз;
- от жағуға жол бермеңіз, осы мақсатта белгіленбеген жерлерде кәуап пен басқа да пісіру құралдарын пайдаланбаңыз.
ТЖД қызметкерлері қоршаған ортаны сақтау – еліміздің әрбір тұрғынының міндеті екенін атап өтті.
