Оқиға Райымбек даңғылы мен Бөкейханов көшесінің қиылысында болған.
Алматы жылу энергетикалық кешені мен ТКШ кәсіпорындарының ресми өкілі Ян Гириннің айтуынша, жылу трассасының жұмысы жоспарлы сынақ кезінде бұзылды.
"Қалалық жылу желілерінің жоспарлы гидравликалық сынақтары кезінде бүгін таңғы сағат 5:30 шамасында Райымбек даңғылы мен Механическая көшесінің қиылысына жақын өтетін магистральдық құбыр учаскелерінің бірінде жырық пайда болды. Құрбандар мен зардап шеккендер жоқ", - деді ол.
Диаметрі 700 мм құбырдың жырығын "Алматы жылу желілері" ЖШС апаттық бригадасы шұғыл түрде оқшаулап, зақымдануды жоюға кірісті.
Алдын ала мәліметтер бойынша, оқиғаның себебі 1966 жылы пайдалануға берілген құбырдың тозуы болып табылады.
Гидравликалық сынақтар қалалық жылу кешенін алдағы жылыту маусымына дайындау шеңберінде жылу желілері жабдықтарының жай-күйін тексеру және құбырлардың проблемалық учаскелерін анықтау үшін жүргізіледі. Оларды өткізу туралы қала тұрғындарына 12 маусымда ескертілді.
Сынақ жүргізу кезеңінде қауіпсіздікті қамтамасыз ету шараларына қарамастан, штаттан тыс жағдайлар жоққа шығарылмайды.
Мұндай жағдайларда Алматы тұрғындары мен қонақтарынан ешқандай дербес іс-қимыл жасамауды, оқиға орнынан дереу кетуді сұрайды. Бұл туралы "Алматы жылу желілері" ЖШС-на 378-06-48 (қосымша 1014), 378-06-62 (қосымша 1013) немесе 109 телефондары арқылы хабарлауға болады.
