ТЖМ басшысының айтуынша, су тасқынына қарсы жұмыстар кезінде құтқарушылардың орташа жалақысы 334 мың теңгені құрады.
"Олардың жалақысы жұмыс кестесіне және болған оқиғаларға сәйкес өзгерді. Егер олар осы классификацияға жатса, сәйкесінше оларға қосымша ақы төленді. Олар ай сайын әртүрлі жалақы алды. Су тасқыны кезінде қосымша ақыны есепке алғанда орташа жалақы 334 мың теңгені құрады. Әр құтқарушы шамамен осылай алды", - деді Шыңғыс Әрінов.
Алайда, кейін ол барлық құтқарушыларда мұндай жалақы мен жәрдемақы жоқ екенін түсіндірді. Мысалы, өрт сөндіру қызметінің құтқарушыларында мұндай қосымша төлемдер әлі жоқ, бірақ министрлік бұл үшін жұмыс істеп жатыр.
Бұған дейін 11 маусымда Шарлапаев су тасқынынан зардап шеккендерге қанша үй салынатынын айтты.
