Бұл ақпаратты Павлодардың "VITA" еріктілер жасағы хабарлады.
"Бүгінгі таңда Павлодар облысында 32 және 38 жастағы екі ер адамның денесі іздестіріліп жатыр. Екеуі де жабайы жағажайларда болып, суға шомылған. Олардың бірі 21 маусымда Железин ауданы Башмачное ауылында Ертіс өзеніне демалуға барған. Екінші жағдай Шідерті ауылының маңындағы Сәтбаев атындағы арнада орын алды. Құтқарушылардың айтуынша, ер адам 22 маусымда таңғы 10 шамасында суға батып кеткен. Іздеу жұмыстары жалғасуда", - деп жазады еріктілер.
Павлодар облысы ТЖД 22 маусымда жоғалған екі ер адамның бірінің денесі табылғанын хабарлады. Башмачное ауылында Ертіс өзеніне батып кеткен адамды іздеу әлі де жалғасуда.