Sky News хабарлағандай, 53 жастағы ер адам мен оның 30 жастағы ұлы мамыр айында отбасы мүшелеріне шабандоздың жақындары жариялағысы келмейтін файлдары бар екенін айтқаннан кейін ұсталды. Бопсалаушылар бірнеше миллион еуро талап еткен.
Прокуратураның мәліметінше, күдіктілер бұл файлдардың кейбірін дәлел ретінде оның отбасына жіберген. Қазір ұсталғандардың екеуі де қамауда.
"Егер олар кінәлі деп танылса, оларға айыппұл салынады немесе бес жылға дейін бас бостандығынан айырылады", – деді прокурор Вольф-Тилман Баумерт.
Неміс шабандозы Михаэль Шумахер 2013 жылдың 29 желтоқсанынан бастап төсекте жатыр. Ол Австрияның Альпі тауында шаңғы тебу кезінде жарақат алып, артынан комаға түскен болатын. Оқиға Мерибель тау курортында болды, онда спортшы ұлы мен достарымен бірге демалысқа барған.
2014 жылдың басында спортшы есін жиды, енді оның бұдан кейінгі өмірі Швейцариядағы үйінде одан әрі оңалтудан өтумен өтіп жатыр.
Бұған дейін Михаэль Шумахердің жылдық емделу құны хабарланған болатын.