Спикердің мәліметінше, Қазақстанда 78 түзеу мекемесі жұмыс істейді, онда 37 мыңнан астам сотталушы жазасын өтеп жатыр.
"Оның 3 мыңға жуығы әйелдер және 50-ден астам кәмелетке толмағандар. 93%-ы ауыр және аса ауыр қылмыстар үшін сотталған адамдар. Бұл ретте сотталғандардың 45%-ы бұрын қасақана қылмыс жасағаны үшін сотталған адамдар", - деді спикер ОКҚ алаңында өткен баспасөз конференциясында.
Сондай-ақ, ол соңғы 4 жылда түрмедегі адамдардың саны 7 мыңға жуық өскенін айтты.
"Бұл бөтеннің мүлкін ұрлау, отбасылық-тұрмыстық зорлық-зомбылық, мал ұрлығы және жол-көлік оқиғалары саласындағы заңнаманың қатаңдатылуына байланысты",- деді ҚР ІІМ Қылмыстық-атқару жүйесі комитетінің төрағасы Теңізжан Жәнібеков.
Оқи отырыңыз: Алматыдағы Түрксіб ауданы прокуратурасының бастамасымен 85 сотталушы жұмысқа орналасты.