Қостанай облыстық сотының ақпаратынша, 2022 жылдың қазанынан 2023 жылдың маусымына дейінгі уақыт аралығында Қостанай облысы Денисов ауданының полиция капитаны К. Перелески және Қырым ауылдарында өз ауылдастарының сенімін алдау және теріс пайдалану арқылы әртүрлі шындыққа сәйкес келмейтін сылтаулармен оларды екінші деңгейдегі банктерден несие алуға көндірген.
"Осылайша ұрланған ақшаны сотталушы К. "OlimpBet" букмекерлік кеңсесінде және "loto Club" 5 лотерея клубында ойындарда ставка ретінде пайдаланып ұтылады, сондай-ақ басқа азаматтар алдындағы қарыздарын ішінара төлейді. Материалдық залалдың жалпы сомасы 31 млн теңгеден асты",- делінген сот хабарламасында.
Сот жазаны тағайындау кезінде қылмыстық жауапкершілік пен жазаны жеңілдететін мән-жайлар ретінде К. — ның кінәні мойындауын, оның шын жүректен өкінуін және оның үш жас баласының болуын ескерді.
"Сотталушының жеке басын, жасалған іс-әрекеттің сипаты мен қоғамдық қауіптілік дәрежесін, істің барлық мән-жайларын және жәбірленушілерге материалдық залалдың өтелмеуін ескеріп сот К.-ны қылмыстық-атқару жүйесінің орташа қауіпсіздік мекемесінде 3 жыл 1 ай мерзімге бас бостандығынан айыру түріндегі жаза тағайындады".Қостанай облыстық соты
Сондай-ақ, сотталушы "полиция капитаны" арнайы шенінен айырылды.
Жәбірленушілердің азаматтық талаптары қанағаттандырылды.
Үкім заңды күшіне енген жоқ.
