Нәтижесінде өрескел санитарлық бұзушылықтар анықталды. Сонымен қатар, картоп ботқасы, құс етінен жасалған котлеттер, тұздық пен компоттан патогендік бактериялар табылды. Ал мектеп асханасынан алынған шайындылар мен жуындылардың 20 пайызында ішек бактерияларының бар екендігі дәлелденді. Сонымен қатар, асхананың 10 қызметкері тексерілді. Олардың ішінде медицина қызметкері мен ЖК қожайыны да бар. Нәтижесінде алты қызметкерден стафилококктар анықталды. Сондай-ақ, ыдыс жуатын мектеп асханасының қызметкері дизентерияның тасымалдаушысы болып шықты. Ал ол тамақ тарату функцияларын орындаған, осылайша тамақ өнімдеріне ауру жұққан.
"Медициналық кітапшаларды тексеру кезінде асхананың төрт қызметкері жалған медициналық тексеруден өткені анықталды. Облыстық прокуратураға және облыстық ПД-ға хат жолданды. Қазіргі уақытта Мұнайлы аудандық полиция бөлімі ҚР ҚК 304-бабының 1-бөлігі бойынша қылмыстық іс қозғап, сотқа дейінгі тергеп-тексеруді бастады", - деді Маңғыстау облысының санитарлық-эпидемиологиялық бақылау департаменті басшысының міндетін атқарушы Асылбек Шаров.
Бұған дейін Бесшоқы ауылындағы №8 мектептің бірінші ауысымындағы 1-4 сынып оқушылары сабақтан үйіне оралғаннан кейін өздерін нашар сезінгенін жазған болатынбыз. Оқиға орнына 12 жедел жәрдем бригадасы жіберілді. Улану салдарынан екі бала жансақтау бөліміне түсті. Үкімет жаппай улану себептерін тергеуді жеке бақылауына алды.
