Бұл туралы бүгін, 2024 жылғы 4 қарашада Батыс Қазақстан облыстық соты мәлімдеді. Азамат С. 2024 жылғы 14 мамырдағы қаулыға сәйкес, ӘҚБтК-нің 1-бөлігінің 608-бабы бойынша көлік құралдарын басқару құқығынан айырылған.
"Алайда, 2024 жылы 15 қыркүйекте ол Орал қаласында автокөлік құралын басқару кезінде қайта ұсталған. Сот отырысында азамат С. көлік құралын басқару фактісін жоққа шығармай, жазаны айыппұл түріндегі өндіріп алумен шектелуді сұрады",- делінген ақпаратта.
Сот ӘҚБтК-нің 44-бабын, 829-14-бабы 1-бөлігінің 1-тармағын басшылыққа ала отырып, "Әкімшілік құқық бұзушылық туралы" Қазақстан Республикасы Кодексінің 612-бабы 3-бөлігі бойынша Әкімшілік құқық бұзушылық жасағаны үшін азамат С.-ны кінәлі деп тануды және оған 184 600 (бір жүз сексен төрт мың алты жүз) теңге әкімшілік айыппұл түрінде әкімшілік жаза қолдануды қаулы етті.
Бұған дейін Жамбыл облысында зират қоршауын қолды қылған күдіктілердің ұсталғандығы хабарланған болатын.
