Павлодар облысы ПД баспасөз қызметінің хабарлауынша, 20 қарашада сағат 07.46-да шұғыл байланыс желісіне Павлодар қаласы Бекмаханов көшесінде жеке жай өртеніп жатқаны туралы хабарлама келіп түскен.
"Оқиға орнына дереу шыққан өрт сөндірушілер жеке тұрған ғимараттың жанып жатқандығын анықтады. Өртті жою барысында өрт сөндірушілер 2 газ баллонын сыртқа алып шықты. Өрт 15 шаршы метр алаңында жедел сөндірілді. Өрт орнынан ер адамның денесі табылды. Өрттің себебі анықталуда. Шақырту орнында ТЖД 15 қызметкері мен 5 бірлік техникасы, АМО жұмылдырылды". Павлодар облысы ТЖД баспасөз қызметі
Бұған дейін қолайсыз ауа райына байланысты екі өңірде жол учаскелері жабылғаны хабарланған.