Прокуратураның дерегінше, қылмыстық топ құрамында 5 адам болған. Қазір бұл азаматтардың бұдан өзге де қылмыстарға қатысы бар-жоғы тексерілуде.
Олар қаңғыбастардың атынан жауапкершілігі шектеулі серіктестік, жеке кәсіпкерлік секілді заңды ұйымдар ашып, 2021 жылдан бері алаяқтық әрекетін жүзеге асырған, деп жазады qazaqstan.tv.
Осы іске байланысты қылмыстық топ мүшелеріне несие берген коммерциялық ұйымдарға қатысты да қылмыстық іс қозғалып, тергеу жүріп жатыр.
Егер олардың кінәсі дәлелденсе, алаяқтық бабы бойынша 5 жылдан 10 жылға дейін бас бостандығынан айырылуы мүмкін.
"Жалған, жеке кәсіпкерлер мен заңды тұлғалар да тексеруге, олардың есепшоттарын бұғаттауға шаралар қабылдамаған. Бұл құқық бұзушылықтар қылмыстық топтың алаяқтық жоспарларын жүзеге асыруына және жәбірленушілердің қаражатын иемденуіне жол берген." Жандос Досанов қалалық прокуратураның басқарма басшысы