Астана қаласының қылмыстық істер жөніндегі ауданаралық сотының 2024 жылғы 27 желтоқсандағы үкіміне сәйкес, 2021 жылғы тамыздан бастап 2024 жылғы мамырға дейінгі үш ер адам елордадағы гараждардың бірінде жерасты майнинг фермасын ұйымдастырған. "Кәсіпкерлер" тіпті электр энергиясын тұтынудың максималды қуатын 870 кВт-қа арттыру үшін құны шамамен 10 млн теңге болатын трансформаторлық қосалқы станция орнатқан.
Сот үшеуін де заңсыз кәсіпкерлік қызметті ұйымдастыруға және оған жәрдемдесуге кінәлі деп тауып, әрқайсысын 5 мың АЕК немесе шамамен 18,5 млн теңге айыппұл салуға үкім шығарды. Сонымен қатар, ер адамдарға бес жыл мерзімге қамтамасыз етілмеген цифрлық активтердің айналымына байланысты қызметпен айналысуға тыйым салынды.
Іс бойынша құны 880 млн теңгеге жуық майнингтік жабдық, сондай-ақ 2017 жылы шығарылған Toyota RAV4, 2023 жылы шығарылған Changan Uni-k, 2013 жылы шығарылған Nissan Juke және 2021 жылы шығарылған Toyota Camry автомобильдері тәркіленді. Сонымен қатар, кәсіпкерлер мемлекетке 143,2 млн теңге шығынды өтеуге тиіс.
Бұған дейін Таразда 16 жасар жасөспірімнің өгей әкесінен жүкті болып қалғандығы хабарланған болатын.