Бұл туралы облыстық әкімдіктің баспасөз қызметі хабарлады.
"Құтқарушылар мен жедел жәрдем бригадалары оқиға орнына жеткен кезде үйден жеті адамды тапты, олардың бесеуі кәмелетке толмаған балалар. Барлығы оқиға орнында қайтыс болды. Маңғыстау облысы ТЖД-нің алдын ала болжамы бойынша, қайғылы оқиға газ жабдықтарын пайдалану ережесін бұзу салдарынан орын алған. Қаза тапқандар – Қазақстанда уақытша тұрып жатқан Өзбекстан азаматтары екені анықталды.Төтенше оқиғаның себебін анықтау үшін арнайы комиссия құрылды", делінген облыстық әкімдік хабарламасында.
Комиссияны Маңғыстау облысы әкімінің бірінші орынбасары Ербол Ізбергенов басқаратыны да нақтыланады.
"Қайтыс болған отбасының туыстарына жан-жақты көмек беріледі, соның ішінде жерлеу рәсімін ұйымдастыруға қолдау көрсетіледі. Аталған оқиға Маңғыстау облысы әкімінің жеке бақылауында". Маңғыстау облысы әкімінің баспасөз қызметі
2025 жылы 19 қаңтарда Қосшы маңындағы ауылда жеке үйде газ жарылып, бір адам зардап шеккен болатын.