Апат Қонаев көшесінде, Төлебаев пен Бөгенбай батыр көшелерінің арасында болған. Алдын ала мәліметтер бойынша, BMW M4 көлігінің жүргізушісі оңтүстік бағытта жоғары жылдамдықпен жүріп келе жатып, тайғақ жолда рөлге ие бола алмай қалған.
Сурет: Zakon.kz
Осылайша, ол жол шетінде тұрған Nissan Almera көлігіне соқтығысқан.
Сурет: Zakon.kz
Соқтығыс нәтижесінде Nissan Almera-ның артқы дөңгелегі жұлынып, көлік алға қарай ұшып, алдында тұрған Chevrolet Spark көлігіне соғылған. Екінші соққыдан кейін Almera жолдан шығып, тротуар жанындағы аллеяға түскен. Spark көлігі де жолдан шығып кеткенімен, оның қозғалысын ағаш тоқтатқан.
Сурет: Zakon.kz
Оқиға кезінде тұрақта тұрған көліктерде адамдар болмаған. BMW жүргізушісі жарақат алмаған. Оқиға бойынша тексеру жұмыстары жүргізілуде.
Бұған дейін Алматыда жер сілкінісі сезілгендігі жайлы жазған болатынбыз.