Оның айтуынша, бұл оқиға бойынша қазіргі кезде негізгі жұмыс Денсаулық сақтау министрлігі тарапынан жүргізіліп жатыр, өйткені қызға шұғыл медициналық көмек көрсетілуде.
"Балаға қажетті медициналық көмек пен оңалту шаралары аяқталғаннан кейін, мүгедектік тағайындалған жағдайда республикалық бюджеттен мемлекеттік жәрдемақы төленетін болады. Ал анасына келсек, ол мүгедек баланы күтуге арналған жәрдемақыны алуы мүмкін", – деді Виктория Шегай.
Алайда ол жәрдемақының нақты мөлшерін атаған жоқ – бұл баланың еңбек қабілеттілігінен айырылу дәрежесіне байланысты жеке түрде анықталады.
"Қазіргі таңда қыз балаға мүгедектік ресми түрде берілген жоқ, сол себепті нақты мөлшерін айта алмаймын. Бұл – медициналық-әлеуметтік сараптамадан өтуне байланысты. Қазірше нәтиже жоқ. (...) Жәрдемақы баланың мүгедектік тобына байланысты тағайындалады. Қажетті талаптарға сай болған жағдайда және анасы мүгедек баланы күтуге жәрдемақы алу үшін өтініш білдірсе, жәрдемақы қарастырылып, төленетін болады", – деді вице-министр.
Бұған дейін Жамбыл облысында әскери қызметкер өгей ұлын өлтірді деген күдікке ілінгені хабарланған болатын.