Оқиға орнынан түсірілген бейнежазба Instagram-дағы парақшалардың бірінде жарияланды. Кадрда жолаушылардың бірі екіншісіне бейәдеп сөздер айтып, оны сыртқа "шақырады". Біреулер жанжалға автобуста ауа жоқтығы себеп болды десе, енді бірі оған спирттік ішімдік әсер етті деп болжады. Тағы бір қауым, мұндай жағдайда ең бастысы – бір-біріне құрметпен қарау керектігін атап өтті.
Бейнежазбаның немен аяқталғаны белгісіз. Алайда Полиция департаменті оқиғаға қатысты жауап беріп, оның нақты мән-жайы, орны және қатысушылардың тұлғалары анықталып жатқанын хабарлады.
"Тексеру нәтижелері бойынша олардың әрекеттеріне қолданыстағы Қазақстан заңнамасына сәйкес құқықтық баға беріліп, тиісті шаралар қабылданады", – деп мәлімдеді Алматы қаласы Полиция департаментінің баспасөз қызметі.
Бұған дейін Шымкентте жасөспірімдердің автобус жүргізушісінің басын балғамен жарып, кастетпен бетін жыртып кеткенін жазған болатынбыз.