Жасырын есірткі зертханасы Шу қаласынан Алматы облысына "бақыланатын жеткізу" әдісімен жүргізілген арнайы операцияның нәтижесінде табылды.
"Жедел іс-шаралар барысында заңсыз айналымнан 11 келіден астам синтетикалық "мефедрон" есірткісі тәркіленді. Нәтижесінде айналымға құны 1,6 млн АҚШ долларын құрайтын шамамен 35 мың бір реттік дозаның түсуіне жол берілмеді. Сонымен қатар зертханаға жүргізілген тінту барысында 20 литр және 115 кг психотроптық зат, сондай-ақ екі тоннадан астам прекурсор тәркіленді. Оларды өңдеу арқылы 120 кг синтетикалық есірткі дайындау жоспарланған",- делінген ақпаратта.
Белгілі болғандай, қылмыстық ортаға 17,5 млн АҚШ доллары көлемінде залал келтірілді.
Ұсталғандар уақытша ұстау изоляторына қамалды.
Бұған дейін Алматыда жолаушылар автобусы өртенгендігі хабарланған болатын.