ҚР ТЖМ баспасөз қызметінің хабарлауынша, SUP-тақтаны пайдаланған бес адамды қатты жел теңіз ортасына қарай алып кеткен. Жағалаудан 2,5 шақырым қашықтыққа барып қалған олар өз бетінше кері орала алмаған.
"Бесеуі де жағаға аман-есен жеткізілді. Медициналық көмек ешкімге қажет болмады", делінген төтеншеліктер хабарламасында.
ТЖМ бұл ретте мыналарды еске салады:
- дауылды немесе желді ауа райында суға шығу кезінде өте сақ болыңыз;
- құтқару кеудешелерін пайдаланыңыз және ауа райын үнемі қадағалаңыз.
Бұған дейін Ыстықкөлде боксшы суға батып кетіп, Бақыт Сәрсекбаев мәлімдеме жасаған болатын.