Ведомствоның мәліметінше, 2025 жылдың қазан айында прокуратураның үйлестіруімен және полиция органдарымен бірлесіп, Астана, Алматы қалаларында және тоғыз облыста заңсыз қару айналымына қарсы бағытталған жедел-іздестіру іс-шаралары жүргізілген.
Нәтижесінде 40 дана қару-жарақ тәркіленді:
- жаяу әскерге арналған отты қару (огнемет),
- 4 Калашников автоматы,
- 12 тапанша,
- 23 мылтық,
- 5 граната,
- және 800-ден астам оқ-дәрі.
"Аталған фактілер бойынша тергеу және жедел іс-шаралар жүргізіліп жатыр. Өзге ақпарат Қылмыстық-процессуалдық кодекстің 201-бабына сәйкес жария етуге жатпайды", – делінген ҰҚК хабарламасында.
Айта кетейік, 2025 жылдың қыркүйек айының соңында ҰҚК Алматы, Шымкент қалаларында, сондай-ақ Атырау, Жамбыл, Қарағанды, Қызылорда, Алматы, Батыс Қазақстан, Түркістан, Ұлытау, Абай және Жетісу облыстарында қару мен оқ-дәрілерді тәркілеу бойынша арнайы операциялар өткізген болатын.