Ең алдымен халық жиі баратын табиғи аумақтарға басымдық беріледі. Себебі қала маңы иксодты кенелер таралған эндемиялық аймаққа жатады, ал бұл жәндіктер түрлі қауіпті инфекциялардың тасымалдаушысы болуы мүмкін. Жұмыстың басты мақсаты – тұрғындардың қауіпсіздігін қамтамасыз ету.
Сонымен қатар медицина қызметкерлерін оқыту қатар жүргізілуде. Денсаулық сақтау саласының барынша көп маманын қамту жоспарланған. Бұл кене шағу жағдайында дер кезінде диагноз қойып, қажетті медициналық көмекті жедел көрсетуге мүмкіндік береді.
Наурыз айының басынан бері кене шағу деректері бойынша апталық мониторинг жүргізіліп келеді. 25 наурыздағы мәліметке сәйкес 78 жағдай тіркелген, олардың басым бөлігі – 14 жасқа дейінгі балалар. Барлық зардап шеккендерге медициналық көмек көрсетіліп, қажет болған жағдайда иммуноглобулин салынған.
Дәрілеу жұмыстары 21 сәуірге дейін жалғасады. Мамандар қала тұрғындарын жабық киім киюге, репелленттер қолдануға және кене энцефалитіне қарсы дер кезінде вакцина алуға шақырады.