"Алматы қаласының мамандандырылған ауданаралық тергеу сотының 2023 жылғы 22 сәуірдегі хабарламасына сәйкес, сот қаулысымен сотқа дейінгі тергеу органының қолдаухаты қанағаттандырылып, күдікті В. Северныйға қатысты екі ай мерзімге, яғни 2023 жылдың 20 маусымына дейін қамауда ұстау түріндегі бұлтартпау шарасына санкция берілді".
Бұдан бөлек, соттың қаулысымен сотқа дейінгі тергеп-тексеру органының өтінішхатын қанағаттандырудан бас тартылды және күдікті Н. Серверныйға қатысты екі ай мерзімге үйқамаққа алу түріндегі бұлтартпау шарасы қолданылды.
21 сәуірде журналист Владимир Северный мен оның әйелінің ұсталғаны туралы белгілі болды. Алматы қаласы ПД олардың үстінен қаладағы ЖШС-лардың бірінің басшысы арызданғанын жеткізді. Ол белгілі бір материалды жарияламас үшін өзінен ақша бопсалағанын айтты.