Өңірлік ПД баспасөз қызметінің хабарлауынша, Ақмола облысының есірткіге қарсы полицейлері Астана - Қарағанды тас жолында, Жібек Жолы ауылының терминалы жанында облыс аудандарының бірінің тумасы, Астана қаласының 37 жастағы тұрғыны тізгіндеген автокөлікті тоқтатты.Ол балаларға шаңғы спортын үйретумен айналысқан жаттықтырушы болып шықты.
"Күдіктінің автокөлігін санкцияланған тінту барысында багаж бөлігінде картон қорап табылды, оның ішінде салмағы 40 келіге жуық гашиш есірткі заты бар төрт полиэтилен пакет табылып, тәркіленді. Сол күні елорда маңындағы ауданда, өз үйінде есірткі заттарының тағы бір көтерме саудагері, 36 жастағы ер адам ұсталды. Сол үйді санкцияланған тінту кезінде гараждың үй-жайынан салмағы 15 келіден астам есірткі заты бар екі полиэтилен пакеті табылып, тәркіленді", делінген хабарламада.
Ұсталғандарға қатысты қамауда ұстау түріндегі бұлтартпау шарасы таңдалды.
